“Manchester Yunayted” ijrochi direktori Ed Vudvord jamoa bosh murabbiyi Ole-Gunnar Sulsherni ishdan bo‘shatishi mumkin, deb xabar berdi Mirror.
Manbaga ko‘ra, agar yaqin orada klubning natijalari yaxshi tomonga o‘zgarmaydigan bo‘lsa, Vudvord mutaxassis “Manchester Yunayted” afsonasi bo‘lishiga qaramay, uni ortiqcha tortinishsizlar lavozimidan chetlatmoqchi.
Sulsher ketgan taqdirda ushbu lavozim uchun asosiy da’vogar “Tottenhem” sobiq bosh murabbiyi Maurisio Pochettino ekanligi ta’kidlanmoqda.
Norvegiyalik mutaxassis 2018-yildan beri jamoani boshqarib kelmoqda.
Pochettino 2014—2019-yillarda “Tottenhem”ni boshqargan. “Shporlar” argentinalik mutaxassis qo‘l ostida Angliya Liga Kubogi va Chempionlar Ligasi finaliga qadar yetib borgandi.
“Manchester Yunayted” Angliya chempionatining 3-turidan so‘ng 3 ochko bilan turnir jadvalining 16-pog‘onasida bormoqda. Jamoa keyingi turda “Nyukasl” bilan to‘qnash keladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)