Buxoro viloyat sog‘liqni saqlash boshqarmasi boshlig‘i Ilhom Narziyev boshqa ishga o‘tganligi munosabati bilan uning o‘rnini G‘afur Saidov egalladi. Bu haqda “Daryo”ga viloyat hokimligi axborot xizmati rahbari Olim Jo‘rayev xabar berdi.
Ta’kidlanishicha, sog‘liqni saqlash vaziri buyrug‘iga asosan viloyat sog‘liqni saqlash boshqarmasi boshlig‘i lavozimiga Saidov G‘afur Normurodovich tayinlangan.
G‘afur Saidov 1976-yil tug‘ilgan bo‘lib, 2000-yilda Buxoro davlat tibbiyot institutini tamomlagan. Tibbiyot fanlari nomzodi hisoblanadi. Faoliyati davomida Buxoro viloyat onkologiya dispanseri bosh vrachi, Respublika neyroxirurgiya ilmiy markazi direktori o‘rinbosari lavozimlarida ishlagan.
U shu kunga qadar Respublika ixtisoslashtirilgan onkologiya va radiologiya ilmiy-amaliy tibbiyot markazi Buxoro filiali direktori vazifasida ishlab kelgan.
Izoh (0)