Britaniyaning Somerset grafligida sayyohlarga bir sutkaga qamoqxona mahbusiga aylanish imkoniyati taqdim etilmoqda, deb yozadi The Sun.
O‘zini qamoqxona mahbusidek his etish uchun sayyohlar Britaniyaning eng qadimiy va mashhur Shepton-Mollet qamoqxonasiga taklif etiladi.
Qamoqxonada bir sutka yashash narxi 49 funt sterling yoki 63 dollarni tashkil etadi. Tur narxi sulili nonushta, shuningdek, bir kishilik kamerada uxlashni o‘z ichiga oladi.
Afsonalarga ko‘ra, qamoqxonada sevgilisini o‘ldirgan ayolning arvohi ham yashaydi.
U o‘z sevgilisini o‘ldirgani uchun o‘lim jazosiga hukm qilingan. Arvohni ko‘rish uchun sayyohlar kechasi soat 21:00 dan 3:00 ga qadar aylantiriladi.
Shepton-Mollet Britaniyaning eng qadimiy qamoqxonasi hisoblanadi. Bu yerda 1926-yildan beri xavfli jinoyatchilar saqlangan hamda o‘lim jazosi ado etilgan. Qamoqxona 2013-yilda sayyohlar markaziga berib yuborilgan.
Izoh (0)