Vashingtondagi Smitson milliy hayvonot bog‘ida dunyoga kelgan panda bolasining videosi taqdim qilindi. U 2020-yilning avgust oyi oxirida 22 yashar gigant panda Mey Syan tomonidan dunyoga keltirilgan.
Avvalroq eng qari gigant panda — Mey Syan sun’iy urug‘lantirish amaliyotidan foydalanilgandan keyin ona bo‘lgani haqida xabar bergandik. U bundan avval ham ona bo‘lgan, ammo faqat 2005 va 2013-yilda dunyoga kelgan ayiqchalargina omon qolgan.
“Yoshi katta bo‘lgani sabab Mey Syanning ona bo‘lish ehtimoli kam bo‘lgan. Shunga qaramay mazkur turning omon qolishiga hissa qo‘shishi uchun unga imkon berishga qaror qildik. Men hayvonlarni parvarish qiluvchi jamoamiz, gigant pandalar haqidagi bilimi va tajribasi muvaffaqiyatga erishishimizda hal qiluvchi rol o‘ynagan ilmiy xodimlarimiz bilan faxrlanaman”, deydi Smitson instituti rahbari.
https://youtu.be/J956GH-SnjE
Ayiq bir oylik bo‘lganidan keyin hayvonot bog‘i xodimlari tomonidan tibbiy tekshiruv o‘tkazilgan va uning vazni 952 gramm bo‘yi 34 santimetr tashkil qilishi aniqlangan. Mutaxassislarning ta’kidlashiga qaraganda, hali ko‘zlarini ochmagan panda bolasi sog‘lom va rivojlanishda davom etmoqda.
https://youtu.be/FlK6QX1-AnE
Pandaning jinsi hali aniq emas. Bu haqida ma’lumotga ega bo‘lish uchun undan olingan “mazok” DNK tahlili uchun laboratoriyaga yuborilgan. Natija bir necha haftadan keyin ma’lum qilinishi kerak, deyiladi xabarda.
Izoh (0)