Futbol bo‘yicha La Liga 5-turida “Barselona” 4-oktabr, shanba kuni “Sevilya”ni qabul qildi.
Uchrashuvning 8-daqiqasida Lyuk de Yong burchak zarbasidan keyin yuzaga kelgan vaziyatda hisobni ochdi. Biroq oradan ikki daqiqa o‘tar-o‘tmas katalonlar bunga Filippe Koutinyoning goli bilan javob qaytardi.
Bo‘lim yakuniga qadar va tanaffusdan keyin har ikki jamoa vakillarida bir qator imkoniyatlar yuzaga keldi. Ayniqsa Ronald Kuman shogirdlari raqib darvozasi oldida bir qator vaziyatni ko‘kka sovurdi. Shu tariqa hisob o‘yin yakuniga qadar o‘zgarmadi.
Uchta o‘yindan keyin 7 ochko to‘plagan “Barselona” 5-o‘rinda bormoqda. “Sevilya” ham xuddi shuncha ochko to‘plagan holda katalonlar bilan yonma-yon ketmoqda.
La Liga
5-tur bahsi
4-oktabr, yakshanba
“Barselona” — “Sevilya” 1:1
Gollar: 0:1 – 8 de Yong, 1:1 – 10 Koutinyo.“Barselona”: Neto, Serxi Roberto, Pike, Arauxo, Alba (Dest, 75), Buskets, Koutinyo (Pyanich, 75), de Yong, Fati (Pedri, 61), Messi, Grizmann (Trinkau, 61).
“Sevilya”: Bunu, Navas, Kunde, Diyego Karlos, Akunya, Jordan (Oliver Torres, 85), Fernando, Suso (Munir, 61), Rakitich (Gudel, 78), Okampos (an-Nesiri, 61), de Yong (Fernandes, 84).
Ogohlantirishlar: Pyanich (77), Gudel (87).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)