Футбол бўйича Ла Лига 5-турида «Барселона» 4 октябрь, шанба куни «Севилья»ни қабул қилди.
Учрашувнинг 8-дақиқасида Люк де Йонг бурчак зарбасидан кейин юзага келган вазиятда ҳисобни очди. Бироқ орадан икки дақиқа ўтар-ўтмас каталонлар бунга Филиппе Коутиньонинг голи билан жавоб қайтарди.
Бўлим якунига қадар ва танаффусдан кейин ҳар икки жамоа вакилларида бир қатор имкониятлар юзага келди. Айниқса Рональд Куман шогирдлари рақиб дарвозаси олдида бир қатор вазиятни кўкка совурди. Шу тариқа ҳисоб ўйин якунига қадар ўзгармади.
Учта ўйиндан кейин 7 очко тўплаган «Барселона» 5-ўринда бормоқда. «Севилья» ҳам худди шунча очко тўплаган ҳолда каталонлар билан ёнма-ён кетмоқда.
Ла Лига
5-тур баҳси
4 октябрь, якшанба
«Барселона» — «Севилья» 1:1
Голлар: 0:1 – 8 де Йонг, 1:1 – 10 Коутиньо.«Барселона»: Нето, Серхи Роберто, Пике, Араухо, Альба (Дест, 75), Бускетс, Коутиньо (Пьянич, 75), де Йонг, Фати (Педри, 61), Месси, Гризманн (Тринкау, 61).
«Севилья»: Буну, Навас, Кунде, Диего Карлос, Акуня, Жордан (Оливер Торрес, 85), Фернандо, Сусо (Мунир, 61), Ракитич (Гудел, 78), Окампос (ан-Несири, 61), де Йонг (Фернандес, 84).
Огоҳлантиришлар: Пьянич (77), Гудел (87).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)