Futbol bo‘yicha Ispaniya La Ligasining 5-turida “Real” 4-oktabr, yakshanba kuni “Levante” maydoniga safar qildi.
Uchrashuv kutilganidek madridliklarning hujumlari bilan boshlandi. 16-daqiqada Vinisius Junior burchak zarbasidan keyin to‘pni qabul qilib oldi va darvozaning uzoq burchagini aniq nishonga oldi.
Ikkinchi bo‘limda maydon egalari faollikni oshirdi, ayniqsa bo‘limning ikkinchi qismi “Levante”ning ustunligida kechdi. Biroq hujumga berilib ketgan mezbonlar qarshi hujumni o‘tkazib yubordi. Karim Benzema so‘nggi soniyalarda ikkinchi golni urgan holda o‘yinga mantiqiy nuqtani qo‘ydi.
“Real” ochkolarini 10 taga yetkazib olgan holda birinchi o‘ringa ko‘tarildi.
La Liga
5-tur bahsi
4-oktabr, yakshanba
“Levante” — “Real Madrid” 0:2
Gollar: 0:1 – 16 Vinisius, 0:2 – 90+5 Benzema.“Levante”: Fernandes, Miramon, Vezu, Klerk, Postigo, Malsa (Radoya, 73), Bardi, Kampanya, Vukchevich (De Frutos, 55), Roxer Marti (Melero, 55), Morales (Dani Gomes, 68).
“Real Madrid”: Kurtua, Nacho, Mendi, Ramos, Varan, Kazemiro, Valverde (Edegor, 89), Vinisius Junior (Vaskes, 69), Modrich (Isko, 89), Asensio (Rodrigo, 69), Benzema.
Ogohlantirishlar: Kazemiro (4), Bardi (72), Miramon (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)