Futbol bo‘yicha Germaniya chempionatining 3-turida “Bavariya” 4-oktabr, yakshanba kuni “Herta” bilan bahs yuritdi.
Uchrashuvda hisob 40-daqiqaga kelib ochildi: Robert Levandovski o‘zining aniq zarbasi bilan myunxenliklarning dastlabki golini urdi. ikkinchi bo‘lim debyutida polshalik hujumchi dublni rasmiylashtirdi. Biroq berlinliklar Jon Kordoba va Mateus Kunyaning gollari evaziga hisobni tenglashtirishga erishdi.
85-daqiqada Levandovski uchinchi golini urdi, oradan uch daqiqa o‘tib Jessik Ngankam yana muvozanatni tikladi. Hakam tomonidan qo‘shib berilgan vaqtda Robert penaltini golga aylantirgan holda yakuniy hisobni o‘rnatdi — 4:3.
G‘alabadan keyin ochkolarini 6 taga yetkazib olgan “Bavariya” musobaqa jadvalida 4-o‘ringa ko‘tarildi.
Bundesliga
3-tur bahsi
4-oktabr, yakshanba
“Bavariya” — “Herta” 4:3
Gollar: 1:0 – 40 Levandovski, 2:0 – 51 Levandovski, 2:1 – 59 Kordoba, 2:2 – 71 Mateus Kunya, 3:2 – 85 Levandovski, 3:3 – 88 Ngankam, 4:3 – 90+3, penalti Levandovski.“Bavariya”: Noyer, Lyuka Ernandes (Musiala, 65), Boateng, Alaba, Devis (Zyule, 89), Myuller, Goretska, Gnabri (Xavi Martines, 90), Kimmix (Tolisso, 65), Richards (Pavar, 65), Levandovski.
“Herta”: Shvolov, Mittelshtedt, Shtark, Pekarik, Boyata, Darida, Tuzar, Lukebakio (Ngankam, 87), Zefeyk (Piontek, 68), Mateus Kunya, Kordoba.
Ogohlantirishlar: Kordoba (13), Lyuka Ernandes (58), Piontek (84), Gnabri (85), Mittelshtedt (90), Levandovski (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)