Futbol bo‘yicha Angliya Premyer Ligasining 4-turida “Liverpul” 4-oktabr, yakshanba kuni “Aston Villa” mehmoni bo‘ldi.
Uchrashuvning 4-daqiqasidayoq “Liverpul” darvozabonining xatosidan keyin Olli Uotkins mezbonlarni hisobda oldinga olib chiqdi. 22-daqiqada Uotkins o‘zining va jamoasining ikkinchi golini urdi. 33-daqiqada Muhammad Saloh hisobni qisqartirishga erishdi. Biroq oradan ikki daqiqa o‘tib, “Aston Villa” futbolchilari yana hisobni oshirdi.
39-daqiqada Uotkins het-trikni rasmiylashtirdi. Ikkinchi bo‘lim debyutida Ross Barklining zarbasidan keyin to‘p mersisaydliklar darvozasidan joy oldi. Oradan besh daqiqa o‘tib Saloh ikkinchi goli bilan vaziyatni o‘nglashga urindi. Shundan keyin maydon egalari yetakchisi Jek Grilish dublni rasmiylashtirgan holda yakuniy hisobni o‘rnatdi — 7:2.
Shu tariqa mavsumdagi ilk mag‘lubiyatini qabul qilib olgan “Liverpul” 9 ochko bilan 4-o‘rinda bormoqda. Ketma-ket uchinchi g‘alabasini qo‘lga kiritgan “Aston Villa” (9) esa 3-pog‘onaga ko‘tarildi.
APL
4-tur bahsi
4-oktabr, yakshanba
“Aston Villa” — “Liverpul” 7:2
Gollar: 1:0 – 4 Uotkins, 2:0 – 22 Uotkins, 2:1 – 33 Saloh, 3:1 – 35 Makginn, 4:1 – 39 Uotkins, 5:1 – 55 Barkli, 5:2 – 60 Saloh, 6:2 – 66 Grilish, 7:2 – 75 Grilish.“Aston Villa”: Martines, Targett, Konsa, Mingz, Kesh (Al-Muhammadi, 80), Duglas Luis (Nakamba, 80), Makginn, Grilish, Barkli, Trezege (Traore, 87), Uotkins.
“Liverpul”: Adrian, van Deyk, Gomes (Jons, 61), Robertson, Aleksander-Arnold, Fabinyo, Keyta (Minamino, 46), Saloh, Veynaldum, Diogu Jota, Firmino (Milner, 68).
Ogohlantirishlar: van Deyk (38), Duglas Luis (46), Nakamba (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)