Xiaomi kompaniyasi arzon narxdagi Redmi Smart TV A32 televizorlarini taqdim etdi. Bu haqda GizmoChina xabar berdi.
Yangi mahsulot Smart TV A seriyasidagi eng arzon televizor deya baholanmoqda. Qurilma 32 dyuymli ekranga ega bo‘lib, u tasvir sifatini oshirish texnologiyasiga ega. Shuningdek, televizor 64 bitli A53 chip, 1 gigabayt operativ va 8 gigabayt ichki xotiraga ega.
Redmi Smart TV A32 Mali-450 grafik protsessori hamda MIUI for TV 3.0. operatsion tizimiga mo‘ljallangan yangi interfeysni o‘z ichiga olgan. Bundan tashqari, modelda XiaoAI 3.0. ovozli yordamchi ham mavjud.
Ta’kidlanishicha, yangi televizor Xitoy bozori uchun JD saytida mavjud. Qurilmaning jahon bozoriga qachondan boshlab chiqarilishi hozircha noma’lum. Televizor narxi 799 yuanni, ya’ni 118 dollarni tashkil qiladi.
Izoh (0)