O‘zbekiston Prezident Shavkat Mirziyoyev 2-oktabr kuni Qoraqalpog‘iston Respublikasiga tashrifi davomida Nukus shahridagi “Qoraqalpoq baliq sanoat” mas’uliyati cheklangan jamiyat faoliyati bilan tanishdi. Bu haqda Prezident matbuot xizmati xabar berdi.
Ma’lum qilinishicha, bu korxona yiliga 200 tonna baliq va 5 million dona baliq lichinkasi yetishtirish, 5 ming tonna ozuqa yem tayyorlash quvvatiga ega. U 2020-yilning iyul oyida faoliyat boshladi, 35 ta ish o‘rni yaratildi.
Qayd etilishicha, loyihaning ahamiyati shundaki, korxonada yopiq sig‘imda intensiv usulda baliq yetishtiriladi. Ya’ni, suvdan takroran foydalanish evaziga katta hajmda suv tejaladi. Masalan, 200 tonna baliq yetishtirish uchun oddiy sharoitda 1,5 million metr kub suv sarflansa, bu yerda 250 metr kub yetarli. Korxonada, shuningdek, qayta ishlash quvvati va muzlatgich tashkil etilgan.
Shuningdek, korxonada qishloq xo‘jaligi tarmoqlaridagi loyihalar taqdimot qilindi. Davlat rahbari chorvachilikda oilaviy koopersiyalarni yo‘lga qo‘yib, parrandani ko‘paytirib, go‘sht narxini arzonlashtirish choralarini ko‘rish muhimligini ta’kidladi. Hududda yer va suvning aniq hisobini yuritish, bunga axborot texnologiyalarini joriy qilish bo‘yicha ko‘rsatmalar berildi.
Eslatib o‘tamiz, Shavlat Mirziyoyev Nukusda 2-oktabr kuni Qoraqalpog‘iston Jo‘qorg‘i Kengesining navbatdan tashqari 8-sessiyasida ishtirok etdi, Sessiyada Jo‘qorg‘i Kenges raisi lavozimiga Murat Kamalov saylandi,
Izoh (0)