Shavkat Mirziyoyev 2-oktabr kuni Nukus shahridagi Opera va baxshichilik maktab-internatini borib ko‘rdi, deya xabar bermoqda Prezident matbuot xizmati.
Qayd etilishicha, Opera va baxshichilik maktab-internati o‘ziga xos baxshichilik an’anasini davom ettirish, yosh avlodga yetkazishga xizmat qiladi. Mazkur ixtisoslashtirilgan ta’lim maskani o‘tgan oyda ishga tushirildi.
Muassasa 150 o‘ringa mo‘ljallangan bo‘lib, unga 9-sinfni bitirgan iqtidorli o‘quvchi yoshlar tanlov asosida qabul qilinadi. Hozirda 30 nafar o‘g‘il-qiz o‘qishni boshladi. Ularga taniqli san’at ustalari va pedagoglar saboq bermoqda.
“Bunday maktablarni tashkil etishimizdan asosiy maqsad – tariximizni, madaniyatimizni chuqur o‘rganish, o‘zligimizni anglash. Baxshichilik – qoraqalpoq elining ulug‘ an’anasi, uni rivojlantirish uchun hamma sharoitlarni yaratamiz”, – dedi Shavkat Mirziyoyev.
Avvalroq, Shavkat Mirziyoyev Nukusda Qoraqalpog‘iston Jo‘qorg‘i Kengesining navbatdan tashqari 8-sessiyasida ishtirok etdi. Sessiya davomida Jo‘qorg‘i Kenges raisi lavozimiga Murat Qallibekovich Kamalov saylandi.
Izoh (0)