Москвада коронавирусга касалланиш бўйича хавф гуруҳига кирувчи (сурункали касалликларга чалинган ва 65 ёшдан ошган) ўқитувчиларни уйдан туриб ишлашга ўтказилиши мумкин. Бу ҳақда Москва таълим бошқармасига таяниб «Известия» хабар бермоқда.
Қайд этилишича, хавф гуруҳидаги ўқитувчилар масофавий ишлашга нафақат коронавирус тарқалиши сабабли 5—18 октябргача жорий қилинган таътил вақтида, балки ундан кейин ҳам ўтказилиши кутилмоқда. Уларнинг ўрнига дарс ўтишга педагогика олий ўқув юртлари битирувчилари юқори курс талабалари таклиф қилиниши мумкин.
Таълим бошқармасида таъкидлашича, ўқитувчилар учун таътил вақти ҳам иш кунидек қолади. Бу кунларда улар ўқув дастурларини ишлаб чиқиш, уй вазифаларини текшириш ва дарс материалларини такомиллаштириш билан шуғулланади. «Ўқитувчилар» касаба уюшмасининг ҳамраиси Всеволод Луховицкий «Известия»га берган интервьюсида, ташкилот таклиф қилган сценарийга шубҳа билан қараган. Унинг таъкидлашича, агар ўқитувчилар устозлик ролида маошларини сақлаб қолинса, уларнинг ҳуқуқлари бузилмаган бўлади. Шу билан бирга, Луховицкий ўқитувчиларнинг талабалар билан алмаштирилишини эҳтимолдан узоқ деб баҳолаган. «Мактабга шундай майдалаб ишлашга борадиган талабаларни қаердан топишади, ҳайронман», — деган у.
Москвада бир нечта педагогика университети талабаларининг мактаб ўқитувчиларини алмаштиришга чиқиши эҳтимоли ҳақиқатан ҳам кўриб чиқилаётганини газетага тасдиқлаган.
«Сурункали касалликларга чалинган ёки 65 ёшдан ошган Москва мактаблари ўқитувчилари ўрнини педагогика олий ўқув юртлари талабалари эгаллаши кутилмоқда. <...> Дарсларни уни ўтишга тайёр бўлган юқори курс талабалари олиб боради», — деган Москва давлат педагогика университети ўқув ишлари бўйича проректори Дмитрий Агранат «Известия»га.
Эслатиб ўтамиз, Москвада 5 октябрдан 18 октябргача икки ҳафталик таътил эълон қилинди. Одатда мактабларда кузги таътил бир ҳафта давом этади, аммо коронавирус тарқалиши билан боғлиқ вазият туфайли таътил муддати узайтирилган. Коронавирус билан касалланиш ҳолати ортганлиги фонида Москва тиббиёт университет талабалари ва битирувчиларига пойтахт касалхоналарида ишлаш таклиф қилинган.
Изоҳ (0)