Farg‘ona viloyati Quva tumanida tanishining plastik kartasidagi pullarni o‘zlashtirib olgan shaxs qo‘lga olindi, deya xabar bermoqda Tergov departamenti.
Ma’lum qilinishicha, 2020-yilning 24-sentabr kuni Quva tumanida yashovchi fuqaro I.E. tuman IIB boshlig‘i nomiga ariza bilan murojaat qilib, arizasida o‘ziga tegishli bank plastik kartasi hisobidan 2 135 625 so‘m miqdoridagi pullar yechib olinganligini ma’lum qilib, shu pullarni yechib olgan shaxsga nisbatan qonuniy chora ko‘rishni so‘ragan.
Mazkur holat yuzasidan olib borilgan tergovga qadar tekshiruv harakatlari davomida fuqaro I.E. tanishi 28 yoshli N.Y. bilan birgalikda tarixiy obidalarni ziyorat qilish uchun sayohatga chiqishgan vaqtida — 2020-yilning 7-sentabr kunidan, 2020-yilning 10-sentabr kuniga qadar bo‘lgan vaqt oralig‘ida mobil ilova orqali N.Y. o‘zining telefon raqamiga I.E.ning plastik karta raqamini kiritishga muvaffaq bo‘lib, I.E.ga tegishli bank plastik kartasi hisobida bo‘lgan 2 135 625 so‘m miqdoridagi pullarni yechib olganligi aniqlangan.
Mazkur holat yuzasidan Quva tumani IIB huzuridagi Tergov bo‘limi tomonidan Jinoyat kodeksining 169-moddasi 3-qismi “b” bandi (o‘g‘rilik) bilan jinoyat ishi qo‘zg‘atilgan.
Hozirda dastlabki tergov harakatlari olib borilmoqda.
Mavzuga doir:
- Samarqandda o‘zganing plastik kartasidan salkam 3 mln so‘m o‘g‘irlagan “uddaburon”ga jinoyat ishi qo‘zg‘atildi
- Toshkentda odamlarning plastik kartasidan 10 mln so‘mdan ortiq pulni o‘g‘irlagan 20 yoshli yigit fosh qilindi
- Telegram’da odamlarning 19 mln so‘mdan ko‘proq pulini o‘g‘irlagan 21 yoshli firibgar qo‘lga tushdi
Izoh (0)