Фарғона вилояти Қува туманида танишининг пластик картасидаги пулларни ўзлаштириб олган шахс қўлга олинди, дея хабар бермоқда Тергов департаменти.
Маълум қилинишича, 2020 йилнинг 24 сентябрь куни Қува туманида яшовчи фуқаро И.Э. туман ИИБ бошлиғи номига ариза билан мурожаат қилиб, аризасида ўзига тегишли банк пластик картаси ҳисобидан 2 135 625 сўм миқдоридаги пуллар ечиб олинганлигини маълум қилиб, шу пулларни ечиб олган шахсга нисбатан қонуний чора кўришни сўраган.
Мазкур ҳолат юзасидан олиб борилган терговга қадар текширув ҳаракатлари давомида фуқаро И.Э. таниши 28 ёшли Н.Ю. билан биргаликда тарихий обидаларни зиёрат қилиш учун саёҳатга чиқишган вақтида — 2020 йилнинг 7 сентябрь кунидан, 2020 йилнинг 10 сентябрь кунига қадар бўлган вақт оралиғида мобил илова орқали Н.Ю. ўзининг телефон рақамига И.Э.нинг пластик карта рақамини киритишга муваффақ бўлиб, И.Э.га тегишли банк пластик картаси ҳисобида бўлган 2 135 625 сўм миқдоридаги пулларни ечиб олганлиги аниқланган.
Мазкур ҳолат юзасидан Қува тумани ИИБ ҳузуридаги Тергов бўлими томонидан Жиноят кодексининг 169-моддаси 3-қисми «б» банди (ўғрилик) билан жиноят иши қўзғатилган.
Ҳозирда дастлабки тергов ҳаракатлари олиб борилмоқда.
Мавзуга доир:
Изоҳ (0)