Rossiya prezidenti Vladimir Putin Belarusdagi norozilik namoyishlari Aleksandr Lukashenkoni hokimiyatdan ag‘darishiga ishonmaydi. Bu haqda Bloomberg Kremldagi beshta manbasiga tayanib, ma’lum qildi.
Manbalarning so‘zlariga ko‘ra, Rossiya rahbariyati Belarusdagi norozilik namoyishlari ko‘lamidan hayratga tushgan.
Ta’kidlanishicha, Moskva Lukashenkoga ishonmaydi, biroq ko‘cha aksiyalari yo‘li bilan Belarus hukumati tepasiga muxolifatning kelishiga yo‘l qo‘yishni ham istamaydi. Shu sababli Rossiya Lukashenkoni bosqichma-bosqich hokimiyatni topshirishga da’vat etgan holda qo‘llab-quvvatlashni davom etmoqda.
Avvalroq Aleksandr Lukashenko Rossiya OAVlariga Minskda intervyu bergandi. Unda Lukashenko prezidentlik kursisida “biroz ko‘p o‘tirib yuborganini” tan olgan. Shu bilan birga, u agar Belarus “qulasa”, keyingisi Rossiya bo‘lishini ta’kidlab o‘tgan.
Mavzuga doir:
Izoh (0)