Toshkent shahri Yunusobod tumanida yashovchi fuqaroga Toshkent viloyati Angren shahridan yer olib berishni va’da qilgan shaxs qo‘lga olindi, deya “Daryo”ga xabar qilmoqda Bosh prokuratura.
Qayd etilishicha, Bosh prokuratura huzuridagi departament hamda DXXning Toshkent shahar boshqarmalari tomonidan o‘tkazilgan tezkor tadbirda fuqaro E.B. A. ismli shaxs bilan o‘zaro oldindan til biriktirib, fuqaro Sh.ning ishonchiga kirib olgan.
E.B yuqori lavozimda ishlovchi tanishlari orqali Sh.ga Angren shahridan 400 kvadrat metr yer maydoni olib berishi evaziga, 2300 AQSh dollarini firibgarlik yo‘li bilan olgan vaqtida ashyoviy dalil bilan ushlangan.
Mazkur holat yuzasidan E.B. va A. ismli shaxsga nisbatan Jinoyat kodeksining 168-moddasi (firibgarlik) 2-qismi “b” bandi va 28, 211-moddasi bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda styuardessa sifatida ishga joylashtirib qo‘yish evaziga 1000 dollar talab qilgan shaxsga jinoiy ish qo‘zg‘atildi
- Buxoroda fotomodel bo‘lishni orzu qilgan qizni chuv tushirgan shaxs qo‘lga tushdi
- Buxoroda 500 dollar pora bilan qo‘lga tushgan Sog‘liqni saqlash boshqarmasi xodimiga jinoyat ishi qo‘zg‘atildi
Izoh (0)