Surxondaryo viloyati Denov tumanida Nexia rusumli avtomobilni boshqarib ketayotgan 20 yoshli haydovchi tezlikni oshirishi natijasida YTH sodir qilgan, deya xabar bermoqda YHXBB.
Dastlabki ma’lumotlarga ko‘ra, 2020-yilning 10-sentabr kuni soat 03:15 larda Surxondaryo viloyati Denov tumani “Bog‘i Eram” mahallasi hududidan o‘tgan mahalliy ichki yo‘lda 2000-yilda tug‘ilgan haydovchi S.B. Nexia avtomobilida harakatlanayotib, tezlikni me’yoridan oshirishi oqibatida boshqaruvni yo‘qotgan va yo‘l chetidagi ariqqa tushib ketgan.
Natijada Nexia yo‘lovchisi 20 yoshli S.S. og‘ir tan jarohatlari olib, shifoxonada vafot etgan.
Mazkur YTH yuzasidan Denov tumani IIB huzuridagi Tergov bo‘limi tomonidan Jinoyat kodeksining 266-moddasi 2-qismi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, hozirda tergov harakatlari olib borilmoqda.
Mavzuga doir:
- Jizzaxda 2 ta Lacetti hamda KIA yuk mashinasi ishtirokida YTH sodir bo‘ldi. Voqea joyida ikki kishining vafot etgani aytilmoqda
- Farg‘onada yuk mashina haydovchisi 6 yoshli qizni urib yubordi. Qiz shifoxonada vafot etdi
- Toshkentda sobiq IIBB xodimi mashinada urib ketishi oqibatida vafot etgan bolaning otasi YTH yuz bergan joyga yangi yo‘l belgisi o‘rnatdi
Izoh (0)