Сурхондарё вилояти Денов туманида Nexia русумли автомобилни бошқариб кетаётган 20 ёшли ҳайдовчи тезликни ошириши натижасида ЙТҲ содир қилган, дея хабар бермоқда ЙҲХББ.
Дастлабки маълумотларга кўра, 2020 йилнинг 10 сентябрь куни соат 03:15 ларда Сурхондарё вилояти Денов тумани «Боғи Эрам» маҳалласи ҳудудидан ўтган маҳаллий ички йўлда 2000 йилда туғилган ҳайдовчи С.Б. Nexia автомобилида ҳаракатланаётиб, тезликни меъёридан ошириши оқибатида бошқарувни йўқотган ва йўл четидаги ариққа тушиб кетган.
Натижада Nexia йўловчиси 20 ёшли С.С. оғир тан жароҳатлари олиб, шифохонада вафот этган.
Мазкур ЙТҲ юзасидан Денов тумани ИИБ ҳузуридаги Тергов бўлими томонидан Жиноят кодексининг 266-моддаси 2-қисми (одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Мавзуга доир:
- Жиззахда 2 та Lacetti ҳамда KIA юк машинаси иштирокида ЙТҲ содир бўлди. Воқеа жойида икки кишининг вафот этгани айтилмоқда
- Фарғонада юк машина ҳайдовчиси 6 ёшли қизни уриб юборди. Қиз шифохонада вафот этди
- Тошкентда собиқ ИИББ ходими машинада уриб кетиши оқибатида вафот этган боланинг отаси ЙТҲ юз берган жойга янги йўл белгиси ўрнатди
Изоҳ (0)