Samarqand viloyatida 19 yoshli haydovchi Lacetti’da 7 yoshli bolani urib yuborib uning o‘limiga sababchi bo‘ldi. Bu haqda YHXBB matbuot xizmati xabar berdi.
Voqea 7-sentabr kuni soat 15:00 larda, Samarqand viloyati, Samarqand tumani hududidan o‘tuvchi mahalliy, ichki avtomobil yo‘lida sodir bo‘lgan. 19 yoshli haydovchi Sh.M. Lacetti’ni boshqarib ketayotib, yo‘lning o‘ng tomonidan chap tomoniga yugurib o‘tayotgan piyoda, 7 yoshli S.S.ni urib yuborgan.
Oqibatda bola og‘ir tan jarohatlari olib voqea joyida vafot etgan.
YTH yuzasidan Samarqand tumani IIB huzuridagi tergov bo‘limi tomonidan Jinoyat kodeksining 266-moddasi 2-qismi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, hozirda tergov harakatlari olib borilmoqda.
Izoh (0)