Jizzaxda Cobalt 25 yoshli piyodani urib ketdi. Jabrlanuvchi voqea joyida halok bo‘ldi

Jizzax viloyati Paxtakor tumanida Cobalt yo‘lning qatnov qismidan kesib o‘tayotgan piyodani urib ketdi, deya xabar bermoqda YHXBB.

Qayd etilishicha, 2020-yilning 7-sentabr kuni soat 13:35 larda, Jizzax viloyati Paxtakor tumani hududidan o‘tgan M-39 Termiz–Toshkent xalqaro ahamiyatdagi avtomobil yo‘lining 957-kilometrida, haydovchi, 1979-yilda tug‘ilgan T.B. Cobalt rusumli avtomobil tezligini me’yoridan oshirgan holda boshqarib ketayotgan bo‘lgan.

Haydovchi piyodalar o‘tish joyi yaqinidan yo‘lni kesib o‘tayotgan piyodani urib yuborib, YTH sodir etgan. Oqibatda piyoda, 25 yoshli M.T. og‘ir tan jarohatlari olib voqea joyida vafot etgan.

Mazkur YTH yuzasidan Paxtakor tumani huzuridagi Tergov bo‘limi tomonidan Jinoyat kodeksining 266-moddasi 2-qismi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, hozirda tergov harakatlari olib borilmoqda. Mavzuga doir:

• Sirdaryoda Nexia katta tezlikda beton to‘siqqa urilib, ag‘darilib ketdi. Haydovchi voqea joyida halok bo‘ldi
• Farg‘onada Damas velosipedchini urib ketdi. Jabrlanuvchi shifoxonada vafot etdi
• Toshkentda uch mashina ishtirokidagi YTHda bir kishi vafot etdi