“Barselona” hujumchisi Ansumane Fati Millatlar Ligasi 2-turi doirasida Ukrainaga qarshi kechgan bahsda Ispaniya terma jamoasi safidagi debyut golini urdi.
O‘yin kuni 17 yosh-u 311 kunlik bo‘lgan Fati Ispaniya terma jamoasi safida gol urgan tarixdagi eng yosh futbolchiga aylandi.
Shuningdek, Ansu Millatlar Ligasi musobaqasi tarixida asosiy tarkibda maydonga tushgan eng yosh futbolchiga bo‘ldi.
Mazkur bahsda Ispaniya terma jamoasi 4:0 hisobida g‘alaba qozondi. Himoyachi Serxio Ramos dubl qayd etgan bo‘lsa, yana bir yosh futbolchi Ferran Torres ham terma jamoa safidagi debyut golini urdi.
Ortda qolgan mavsumda Fati “Barselona” safida 33 ta o‘yin o‘tkazib, 8 gol va bitta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)