«Барселона» ҳужумчиси Ансумане Фати Миллатлар Лигаси 2-тури доирасида Украинага қарши кечган баҳсда Испания терма жамоаси сафидаги дебют голини урди.
Ўйин куни 17 ёш-у 311 кунлик бўлган Фати Испания терма жамоаси сафида гол урган тарихдаги энг ёш футболчига айланди.
Шунингдек, Ансу Миллатлар Лигаси мусобақаси тарихида асосий таркибда майдонга тушган энг ёш футболчига бўлди.
Мазкур баҳсда Испания терма жамоаси 4:0 ҳисобида ғалаба қозонди. Ҳимоячи Серхио Рамос дубль қайд этган бўлса, яна бир ёш футболчи Ферран Торрес ҳам терма жамоа сафидаги дебют голини урди.
Ортда қолган мавсумда Фати «Барселона» сафида 33 та ўйин ўтказиб, 8 гол ва битта голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)