Bangladeshning Narayanganj shahrida masjiddagi olti konditsionerning portlashi natijasida kamida 12 kishi halok bo‘lgan, 50 dan ortiq odam jarohat olgan. Bu haqda “Korrespondent.net” xabar qildi.
Ma’lum qilinishicha, hodisa 5-sentabr kuni “Baytus Salat” jome masjidida musulmonlar namoz o‘qiyotgan vaqtda sodir bo‘lgan. Portlash natijasida masjid derazalari singan, shiftga o‘rnatilgan ventilyatorlar yonib ketgan.
Dastlabki taxminlarga ko‘ra, portlash quvur liniyasidan sizib chiqib, keyin to‘planib qolgan gaz sabab yuzaga kelgan.
Shifokorlarning ta’kidlashicha, barcha qurbonlar og‘ir darajada kuygan. Vafot etganlarning nafas yo‘llari kuyib ketgan. Jabrlanganlardan 26 kishining ahvoli og‘irligi qayd etilgan.
Izoh (0)