Futbol bo‘yicha Pro-Liga o‘yinlari O‘zbekiston bo‘yicha jonli efirga uzatilishni boshladi.
30-avgust kuni “Dinamo” va “Xorazm” jamoalari 3-turning qoldirilgan uchrashuvida maydonga tushdi. Mazkur o‘yin (0:0, birinchi bo‘lim) Futbol-TV telekanali orqali test rejimida jonli efirga uzatilmoqda.
Eslatib o‘tamiz, iyul oyida Professional futbol Ligasi (PFL) va UzReport-TV o‘rtasida Pro-Liga musobaqasining media va tijorat huquqlari bo‘yicha shartnoma imzolangandi.
Unga ko‘ra, avgust oyidan boshlab Pro-Liganing markaziy o‘yinlari UzReport-TV va Futbol-TV telekanallari orqali jonli efirda namoyish etilishi ma’lum qilingandi.
Shu tariqa tarixda ilk bor O‘zbekistonning quyi liga musobaqasi muntazam ravishda jonli efirga uzatilishni boshladi. Avvallari Pro-Liganing (Birinchi Liga) ayrim markaziy o‘yinlari yoki Superligaga o‘tish bahslari Sport-TV orqali jonli efirga uzatilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)