O‘zbekiston maxsus komissiyasi ko‘rsatmalariga binoan, O‘zbekiston fuqarolarini vataniga qaytarish maqsadida Uzbekistan Airways AJ tomonidan 2020-yil 31-avgust kuni Toshkent—Vladivostok—Toshkent yo‘nalishi bo‘yicha qo‘shimcha charter repatriatsiya qatnovi amalga oshiriladi. Bu haqda kompaniya axborot xizmati xabar qildi.
Qayd etilishicha, qatnov quyidagi jadval bo‘yicha amalga oshirilishi rejalashtirilmoqda (mahalliy vaqt ko‘rsatilgan):
Toshkent—Vladivostok. Toshkentdan ketish vaqti — soat 05:20, Vladivostokka kelish — soat 17:20.
Vladivostok—Toshkent. Vladivostokdan ketish — soat 19:20, Toshkentga kelish — soat 22:05.
Toshkent—Vladivostok yo‘nalishi bo‘yicha aviachiptalarni aviakompaniya filialining Markaziy sotuvlar ofisida Uzbekistan Airways Sales jonli navbat tartibida, yo‘lovchining shaxsan o‘zi quyidagi hujjatlarning asl nusxasi bilan kelgan taqdirdagina sotib olishi mumkin:
- O‘zbekiston fuqarolari uchun — pasport va ketish uchun asos;
- xorijiy fuqarolar uchun — pasport.
“Aviachiptada ko‘rsatilgan narxni Uzbekistan Airways AJ filialining kassasida to‘lagan pulingiz bilan solishtirishingizni tavsiya qilamiz. O‘zingiz va yaqinlaringizni ehtiyot qiling! Sizga yoqimli parvozni tilaymiz!”, — deyiladi xabarda.
Avvalroq xorijdagi o‘zbekistonliklarni evakuatsiya qilish bo‘yicha navbatdagi charter reyslar jadvali tasdiqlangan edi.
Izoh (0)