Ўзбекистон махсус комиссияси кўрсатмаларига биноан, Ўзбекистон фуқароларини ватанига қайтариш мақсадида Uzbekistan Airways АЖ томонидан 2020 йил 31 август куни Тошкент—Владивосток—Тошкент йўналиши бўйича қўшимча чартер репатриация қатнови амалга оширилади. Бу ҳақда компания ахборот хизмати хабар қилди.
Қайд этилишича, қатнов қуйидаги жадвал бўйича амалга оширилиши режалаштирилмоқда (маҳаллий вақт кўрсатилган):
Тошкент—Владивосток. Тошкентдан кетиш вақти — соат 05:20, Владивостокка келиш — соат 17:20.
Владивосток—Тошкент. Владивостокдан кетиш — соат 19:20, Тошкентга келиш — соат 22:05.
Тошкент—Владивосток йўналиши бўйича авиачипталарни авиакомпания филиалининг Марказий сотувлар офисида Uzbekistan Airways Sales жонли навбат тартибида, йўловчининг шахсан ўзи қуйидаги ҳужжатларнинг асл нусхаси билан келган тақдирдагина сотиб олиши мумкин:
- Ўзбекистон фуқаролари учун — паспорт ва кетиш учун асос;
- хорижий фуқаролар учун — паспорт.
«Авиачиптада кўрсатилган нархни Uzbekistan Airways АЖ филиалининг кассасида тўлаган пулингиз билан солиштиришингизни тавсия қиламиз. Ўзингиз ва яқинларингизни эҳтиёт қилинг! Сизга ёқимли парвозни тилаймиз!», — дейилади хабарда.
Аввалроқ хориждаги ўзбекистонликларни эвакуация қилиш бўйича навбатдаги чартер рейслар жадвали тасдиқланган эди.
Изоҳ (0)