O‘zbekistonda koronavirusga chalingan bemorlarni davolashda jalb qilingan 72 mingdan ortiq xodimga 241,3 mlrd so‘m qo‘shimcha rag‘batlantirish to‘landi

Moliya vaziri Timur Ishmetov Davlat budjetining 2020-yilning 1-yarim yilligidagi ijrosi yuzasidan Oliy Majlis Qonunchilik palatasi yalpi majlisidagi ma’ruzasida koronavirus infeksiyasiga qarshi kurashish tadbirlariga Inqirozga qarshi jamg‘armadan ajratilgan mablag‘lar yuzasidan ma’lumot berdi. Bu haqda vazirlik xabar bermoqda.

“Ushbu sohada amalga oshirilgan xarajatlarning 724 milliard so‘mi Inqirozga qarshi kurashish jamg‘armasi hissasiga to‘g‘ri keldi.

Shundan koronavirus tarqalishining oldini olishga qaratilgan tadbirlarga jalb etilgan tibbiyot, sanitariya-epidemiologik va boshqa xodimlarning 72 001 nafariga 241,3 milliard so‘m qo‘shimcha rag‘batlantirish to‘lovlari to‘landi.

Ushbu to‘lovlardan:

• oylik lavozim maoshiga 6 foiz miqdorida har kunlik qo‘shimcha to‘lovlar uchun jami 56 985 nafar xodimga 85,2 milliard so‘m, shundan 14 873 nafar vrachga 33,1 milliard so‘m;
• 14 kunlik faoliyat davri uchun maxsus qo‘shimcha rag‘batlantirish to‘lovlari bo‘yicha jami 6477 nafar xodimga 142,5 milliard so‘m, shundan 1 960 nafar vrachga (har biriga 25 million so‘mdan) — 70,0 milliard so‘m;
• bemorlar bilan ishlagan vaqtida koronavirus infeksiyasi yuqtirib olgan 2 nafar tibbiyot xodimiga bir martalik to‘lov bo‘yicha 283 million so‘m to‘lab berildi.

• uch mahal issiq-ovqat uchun 73,0 milliard so‘m;
• dori-darmon va zararsizlantiruvchi vositalar uchun 44,7 milliard so‘m;
• tibbiy asbob-uskunalar sotib olish uchun 79,0 milliard so‘m;
• test tizimlar, choyshablar va bir martalik himoyalovchi kiyimlar va boshqa zarur anjomlar uchun 131,1 milliard so‘m;
• transport vositalarini sotib olish uchun 12,2 milliard so‘m;
• joylarni dezinfeksiya qilish va boshqa tadbirlar uchun 17,5 milliard so‘m safarbar etildi”, — deydi Ishmetov o‘z ma’ruzasida.