CARakoom nashri hatto Google qidiruv tizimi ham hech qanday ma’lumotga ega bo‘lmagan Volkswagen Zafra yo‘ltanlamasiga oid ayrim ma’lumotlar bilan bo‘lishdi.
Nashrning ma’lum qilishicha, ushbu noyob yo‘ltanlamas partiyasi 1987-yili Ekvador poytaxti Kitoda ishlab chiqarilgan. Model aynan necha nusxada ishlab chiqarilgani to‘g‘risida ma’lumotlar yo‘q. Internetda yo‘ltanlamasning hatto suratlari ham deyarli mavjud emas. Quyidagi kumush rangli nusxa 2017-yili San-Antonio-de-Pichinchdagi avtoshou uchun qayta tiklangan.
To‘q sariq rangli mazkur nusxa esa avtomobillar savdosi bilan shug‘ullanuvchi mahalliy saytlarning biridan topilgan. Tushunarsiz qoldirilgan izohdan anglash mumkinki, modelga 1,6 litrli motor o‘rnatilgan.
Yo‘ltanlamasning orqa qismiga yaxshilab e’tibor berilsa, unga xuddi “Zaporojets”dagi kabi kichik “quloqlar” o‘rnatilganini ko‘rish mumkin. Bu bekorga emas. Gap shundaki Volkswagen Zafra orqa motorli Volkswagen Beetle bazasida yaratilgan. Tabiiyki, bundan to‘liq uzatma haqida gap ham bo‘lishi mumkin emas — faqat orqa.
Izoh (0)