Samarqand viloyatining Urgut tumanida to‘rt kishining o‘limiga sabab bo‘lgan YTH sodir bo‘ldi. Samarqand viloyati prokuraturasi matbuot xizmati xabariga ko‘ra, voqea 18-avgust kuni soat 15:30 larda tumandagi “Baxrin” mahallasi hududidan o‘tuvchi M-39—Toshkent–Termiz avtomobil yo‘lida sodir bo‘lgan.
A.D. boshqaruvida bo‘lgan “ZIL” rusumli yuk avtomashinasi Samarqand—Urgut yo‘nalishida qarama-qarshi yo‘nalishdan harakatlanib kelayotgan Toshkentning Chilonzor tumanida yashagan, haydovchi Sh.A. boshqaruvida bo‘lgan Cobalt bilan to‘qnashgan.
Oqibatda Cobalt haydovchisi Sh.A., yo‘lovchilari — Toshkent shahri Chilonzor tumanida yashagan J.A. va T.N. voqea joyida, uchinchi yo‘lovchi B.I. Urgut tuman tibbiyot birlashmasida vafot etgan.
Cobalt’ning boshqa yo‘lovchilari — Toshkent shahri Chilonzor tumanida yashovchi F.M., uning o‘g‘li — voyaga yetmagan B.A. va Toshkent shahri Chilonzor tumanida yashovchi M.L. tan jarohati olib, Urgut tibbiyot birlashmasiga yotqizilgan.
Holat yuzasidan Jinoyat kodeksining 266-moddasi 3-qismi “a” bandi (transport vositalari harakati qoidalarini buzish odamlar o‘limiga sabab bo‘lishi) bilan jinoyat ishi qo‘zg‘atilgan.
Mavzuga doir:
- Olmaliqda haydovchilik guvohnomasi bo‘lmagan 19 yoshli yigit Nexia’ni katta tezlikda boshqarib, Damas’ga urildi (video)
- Mirobodda mast haydovchi boshqaruvidagi Spark’ning beton to‘siqqa urilishi yo‘lovchining o‘limiga sabab bo‘ldi
- Surxondaryodagi YTHda 6 kishi halok bo‘ldi. Qurbonlarning eng kichigi 2 oylik chaqaloq
- Mirobodda tormozi ishlamay qolgan avtokran Mazda’ga urilib, Spark va Nexia ustiga yiqildi (video)
Izoh (0)