Самарқанд вилоятининг Ургут туманида тўрт кишининг ўлимига сабаб бўлган ЙТҲ содир бўлди. Самарқанд вилояти прокуратураси матбуот хизмати хабарига кўра, воқеа 18 август куни соат 15:30 ларда тумандаги «Бахрин» маҳалласи ҳудудидан ўтувчи М-39—Тошкент–Термиз автомобиль йўлида содир бўлган.
А.Д. бошқарувида бўлган «ЗИЛ» русумли юк автомашинаси Самарқанд—Ургут йўналишида қарама-қарши йўналишдан ҳаракатланиб келаётган Тошкентнинг Чилонзор туманида яшаган, ҳайдовчи Ш.А. бошқарувида бўлган Cobalt билан тўқнашган.
Оқибатда Cobalt ҳайдовчиси Ш.А., йўловчилари — Тошкент шаҳри Чилонзор туманида яшаган Ж.А. ва Т.Н. воқеа жойида, учинчи йўловчи Б.И. Ургут туман тиббиёт бирлашмасида вафот этган.
Cobalt’нинг бошқа йўловчилари — Тошкент шаҳри Чилонзор туманида яшовчи Ф.М., унинг ўғли — вояга етмаган Б.А. ва Тошкент шаҳри Чилонзор туманида яшовчи М.Л. тан жароҳати олиб, Ургут тиббиёт бирлашмасига ётқизилган.
Ҳолат юзасидан Жиноят кодексининг 266-моддаси 3-қисми «а» банди (транспорт воситалари ҳаракати қоидаларини бузиш одамлар ўлимига сабаб бўлиши) билан жиноят иши қўзғатилган.
Мавзуга доир:
- Олмалиқда ҳайдовчилик гувоҳномаси бўлмаган 19 ёшли йигит Nexia’ни катта тезликда бошқариб, Damas’га урилди (видео)
- Мирободда маст ҳайдовчи бошқарувидаги Spark’нинг бетон тўсиққа урилиши йўловчининг ўлимига сабаб бўлди
- Сурхондарёдаги ЙТҲда 6 киши ҳалок бўлди. Қурбонларнинг энг кичиги 2 ойлик чақалоқ
- Мирободда тормози ишламай қолган автокран Mazda’га урилиб, Spark ва Nexia устига йиқилди (видео)
Изоҳ (0)