Futbol bo‘yicha Yevropa Chempionlar Ligasining 1/8 final javob final bahslari ortda qoldi. UEFA haftaning eng yaxshi o‘yinchisi nomini ma’lum qildi.
Unga ko‘ra, “Bavariya” hujumchisi Robert Levandovski so‘rovnoma g‘olibiga aylandi. Polshalik hujumchi 8-avgust kuni bo‘lib o‘tgan “Chelsi”ga qarshi bahsda (4:1) dubl qayd etdi va ikkita golli uzatma muallifiga aylandi.
Mazkur sovrin uchun kurashda Levandovski Lionel Messi (“Barselona”), Kayl Uoker (“Manchester Siti”) va Krishtianu Ronalduni (“Yuventus”) ortda qoldirgan.
Robert ushbu gollardan keyin Chempionlar Ligasining umumiy to‘purarlari ro‘yxatida 4-o‘ringa ko‘tarildi. Uning jamoasi chorak finalda “Barselona” bilan o‘ynaydi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)