Britaniya tashqi ishlar vazirligida sichqon ovlagan mushuk 4 yillik diplomatik xizmatdan so‘ng nafaqaga chiqdi

Buyuk Britaniya tashqi ishlar vazirligida ishlaydigan Palmerston laqabli mushuk rasman nafaqaga chiqdi. Bu haqda jonivorning Twitter’dagi sahifasida ma’lum qilindi.

Xabarda aytilishicha, to‘rt yil “ishlagan”idan so‘ng “Britaniya tashqi ishlar vazirligidagi asosiy kalamush ovchisi” mushuk nafaqaga chiqishga va dam olishga qaror qilgan. Endi mushuk shahar chekkasidagi uyda yashaydi.

❗️Important news❗️ pic.twitter.com/PTEun74QYA

— Palmerston (@DiploMog) August 7, 2020

Mushuk Palmerston 2016-yilda, tashqi ishlar vazirligida o‘z xizmatini boshlagan. Shuningdek, xabarda Palmerstonning Britaniya bosh vaziri qarorgohida xizmat qiladigan Larri laqabli mushuk bilan yomon munosabatda bo‘lgani aytilgan.

Hayvonning Twitter’dagi sahifasida 105 mingdan ortiq obunachilari bor.