Nyu-York shtatidagi Bo‘rilarni qo‘riqlash markazida yashovchi juda dangasa bo‘rilarning YouTube’dagi videosi salkam 3 million marotaba tomosha qilindi. Tashkilot xodimlari internet foydalanuvchilariga Boredpanda loyihasidagi jonivorlar haqida batafsil so‘zlab berdi.
Markazda Alava (“shirin no‘xat”) va Zefir (“yengil yoki g‘arbiy shamol”) laqabli yirtqichlarni jamoatchilikka bo‘rilar hayoti haqida ko‘proq narsani o‘rgatish va ularning tabiat ekotizimidagi rolini anglashda yordam beradigan elchilar deb atashadi.
Ko‘pchilik oy yorug‘idagi boshini yuqoriga ko‘tarib uvullayotgan bo‘rilarni tomosha qilishga o‘rgangan. Biroq Alava va Zefir juda dangasa. Ularning yotib olib uvullayotgani tasvirlangan video internetda mashhurlikka erishdi.
Yirtqichlar bir-biri bilan juda yaqin hamda deyarli barcha narsani bo‘lishadi: o‘ynaydi, uvullaydi va bir-biriga qaraydi.
Alava va Zefir 2011-yilda tug‘ilgan. Ularning Nikai laqabli kichkina ukasi ham bo‘lib, u Alava va Zefirning Bo‘rilar himoyasi markazidagi missiyalarini bajarishida muhim yordam ko‘rsatadi.
“Ushbu bo‘rilar bizga yovvoyi tabiatni qadrlashimiz kerakligini, hayvonlarning barcha turlarini saqlab qolish uchun g‘amxo‘rlik qilishimiz lozimligini eslatib turadi”, — deyiladi tashkilot xabarida.
Izoh (0)