O‘zbekiston transport vaziri Elyor G‘aniyev boshqa ishga o‘tishi munosabati bilan lavozimidan ozod etildi. Bu haqda hukumatdagi manbaga asoslanib, “Gazeta.uz” xabar bermoqda. “Kun.uz”ning qo‘shimcha qilishicha, tegishli farmon Prezident tomonidan 5-avgust kuni imzolangan.
G‘aniyev endi qayerda ishlashi, shuningdek, uning o‘rniga kim transport vaziri lavozimini egallashi haqida hozircha aniq ma’lumotlar yo‘q.
Elyor G‘aniyev 1997—2002-yillarda tashqi iqtisodiy aloqalar vaziri, 2005—2006-yillarda tashqi ishlar vaziri, 2006—2010 va 2012—2017-yillarda tashqi iqtisodiy aloqalar, investitsiyalar va savdo vaziri sifatida ishlagan. 2010—2012 va 2019—2020-yillarda bosh vazir o‘rinbosari bo‘lgan.
Elyor G‘aniyev 2020-yil yanvarida Ochilboy Ramatov o‘rniga transport vaziri etib tayinlangan edi. Transport vazirligi 2019-yil fevralida avtomobil, temiryo‘l, havo, daryo transporti, metropoliten, shuningdek, yo‘l xo‘jaligi sohasidagi davlat boshqaruvi organi sifatida tashkil etilgan edi.
Izoh (0)