APL mavsumning eng yaxshi murabbiyi bo‘lishga nomzodlarni e’lon qildi. Ular orasida Gvardiola yo‘q
Angliya Premyer Ligasi 2019/20-yilgi mavsumning eng yaxshi murabbiyi nomiga da’vogarlar ro‘yxatini ma’lum qildi.
Undan quyidagi to‘rt nafar bosh murabbiy o‘rin oldi:- Yurgen Klopp (“Liverpul”)
- Frenk Lempard (“Chelsi”)
- Brendan Rojers (“Lester”)
- Kris Uaylder (“Sheffild Yunayted”)
Ta’kidlash joiz, nomzodlar ro‘yxatidan “Manchester Siti” bosh murabbiyi Pep Gvardiola o‘rin olmadi.
Klopp “Liverpul”ni chempionga aylantirgan bo‘lsa, Frenk Lempard “Chelsi”dagi ilk mavsumidayoq YChL yo‘llanmasini qo‘lga kiritdi. Brendan Rojers boshchiligidagi “Lester” uzoq vaqt kuchli uchlikda yurdi, biroq yakunda 5-o‘rin bilan cheklandi. Uaylder esa Premyer Ligaga qaytgan “Sheffild Yunayted” bilan 9-o‘rinni qo‘lga kiritdi.
Eng yaxshi murabbiyni aniqlashda muxlislar va futbol ekspertlari o‘rtasida o‘tkazilgan so‘rovnomadan foydalaniladi.
Mavzuga doir: APL 2019/20-yilgi mavsumining eng yaxshi yosh o‘yinchisi nomiga da’vogarlar e’lon qilindi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
