UFC’ning yengil vazn toifasidagi chempioni Habib Nurmagomedovning murabbiyi Xavyer Mendes shogirdining Jorj Sen-Pyerga qarshi jang o‘tkazib, MMA’dagi 30-g‘alabasini qo‘lga kiritishini xohlamoqda. Hozir rossiyalik sportchining hisobida 28 jang va 28 ta g‘alaba bor.
“Habib otasi undan nimani xohlasa, shuni qilardi. Endi esa u yo‘q. U otasi orzu qilganidek, o‘chmas iz qoldirish haqida o‘ylashi kerak.
30-0 ko‘p marta muhokama qilingan. Sen-Pyerga qarshi kurash aynan 30-jang bo‘ladi. Agar bu jang tashkil qilinsa, men ushbu jangda 30-0 ni ko‘rishni istayman, Habib bunga tayyor”, — deydi Xavyer Mendes.
Qayd etish joiz, Habib Nurmagomedov avvalroq Jastin Getjidan so‘ng aynan Jorj Sen-Pyer bilan jang qilmoqchiligini ma’lum qilgandi.
Eslatib o‘tamiz, Jorj Sen-Pyer 2019-yilning fevral oyida rasmiy ravishda MMA’dagi faoliyatini yakunlagan. Sen-Pyer umumiy hisobda 28 ta jang o‘tkazib, shulardan 26 tasida g‘alaba (8 ta nokaut) qozongan, 2 tasida esa imkoniyatni boy berib qo‘ygan.
Habib Nurmagomedovning raqibini 1-raunddayoq nokautga uchratgan jangini tomosha qiling (video)
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)