“Arsenal” futbolchilari klub xodimlarining ishdan bo‘shatilishi to‘g‘risidagi qarordan norozi bo‘lgan. Bu haqda The Athletic xabar berdi.
Ta’kidlanishicha, London klubi 5-avgust kuni koronavirus pandemiyasi oqibatida 55 nafar xodimning ishdan bo‘shatilishi haqida e’lon qilgan.
Shundoq ham maoshlari qisqargan futbolchilar esa klub xodimlarini qo‘llab-quvvatlamoqchi va klub rahbariyati bilan muzokara o‘tkazishni talab qilmoqchi.
Qayd etish joiz, klub rahbariyati aprel oyida pandemiya tufayli futbolchilar va murabbiylarning maoshini qisqartirishga qaror qilgandi. O‘shanda futbolchilar va murabbiylarning yillik maoshi 12,5 foizga qisqarishi aytilgandi.
“Arsenal” futbolchilari tomonidan tovon bilan urilgan 5 ta shedevr golni tomosha qiling (video)
Izoh (0)