Superliga. Iyul oyining eng yaxshi futbolchisi va eng chiroyli goli aniqlandi

Futbol bo‘yicha Coca-Cola Superligasining iyul oyidagi eng yaxshi o‘yinchisi deb “Qo‘qon-1912” himoyachisi Murod Xolmuhammedov topildi.

Xolmuhammedov umumiy ovozlarning 41 foizini qo‘lga kiritgan. Futbolchi o‘tgan oyda 3 ta o‘yin o‘tkazib, 2 ta gol va 1 ta golli uzatmaga mualliflik qildi. Murod bu yo‘lda quyidagi futbolchilarni ortda qoldirgan:

• Sanjar Tursunov ( OKMK) — 2 ta o‘yin, 2 ta gol;
• Sardor Sobirxo‘jayev (“Paxtakor”) — 3 ta o‘yin, 1 gol, 2 ta assist;
• Shahzod Ubaydullayev (“Metallurg”) — 3 ta o‘yin, 2 ta gol;
• Eren Derdiyok ( “Paxtakor”) — 3 tao‘yin, 2 ta gol.

Shuningdek, OKMK yarim himoyachisi Sanjar Tursunovning “Qo‘qon-1912” darvozasiga uzoq masofadan kiritgan to‘pi oyning eng yaxshi goli deb topildi.