«Уфа»нинг ўзбекистонлик ярим ҳимоячиси Остон Ўрунов фаолиятини Москванинг «Спартак» клубида давом эттиради. Бу ҳақда Москва клуби матбуот хизмати ижтимоий тармоқлар орқали маълум қилди.
Ўруновнинг таништирилиши учун клуб томонидан тайёрланган видеолавҳада ўзбек тилида «Чиройли қиламиз» деб изоҳ қолдирилди. Клуб матбуот хизмати хабарига кўра, Остон москваликлар билан узоқ муддатли битим имзолаган. У янги жамоаси сафида 20-рақам остида тўп тепади.
Эслатиб ўтамиз, аввалроқ москваликлар унинг трансфери 2 миллион евро сарфлаши, Остоннинг маоши эса йилига 600 минг евро бўлиши ҳақида хабар қилинганди.
Ўрунов 2019/20 йилги мавсум Россия Премьер Лигасида 10 ўйинда майдонга тушиб, 2 та сариқ карточка олди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)