Italiyaning Genuya shahrida 2018-yil avgust oyida qulab tushgan va 43 kishining o‘limiga sabab bo‘lgan ko‘prik o‘rnida yangi ko‘prik ochilmoqda. Bu haqda “Korrespondent.net” xabar berdi.
Yangi ko‘prik ustidan birinchi bo‘lib Italiya prezidenti Serjo Mattarella o‘tadi. Havoga samolyotlar ko‘tariladi va osmonni Italiya bayrog‘i ranglari bilan bezaydi. Ochilish marosimida ko‘prik qulashida halok bo‘lganlarning ismlari o‘qib eshittiriladi va Italiya madhiyasi yangraydi.
Yangi ko‘prik italiyalik arxitektor Rentso Pyano tomonidan loyihalashtirilgan va unga Genuya San Jorjio nomi beriladi.
Eslatib o‘tamiz, Italiyaning Genuya shahrida joylashgan 45 metr balandlikdagi ko‘prik 2018-yilning 14-avgustida qulagandi. Ko‘prik qulashi 43 kishining umriga zomin bo‘lgan.
Izoh (0)