Bugun,

  • USD 11095.31
  • RUB 173.84
  • EUR 10772.44

Ukraina poytaxti Kiyev shahrida bank bo‘limini egallab olib, uni portlatish bilan tahdid qilgan O‘zbekiston fuqarosi qo‘lga olindi. Bu haqda “Korrespondent.net” xabar berdi.

Foto: “Korrespondent.net”

Foto: “Korrespondent.net”

Ukraina ichki ishlar vazirining birinchi o‘rinbosari Anton Gerashenkoning ma’lum qilishicha, terrorchilik harakati bilan tahdid solayotgan erkak 1988-yil 25-mart kuni tug‘ilgan O‘zbekiston fuqarosi Karimov Suhrob Rahmonovich hisoblanadi. Uning ijtimoiy tarmoqlardagi profillariga ko‘ra, bu erkakda psixik muammolar mavjud.

“Hozircha uning maqsadi qanchalik jiddiy ekanligini, unda haqiqatan ham portlovchi uskuna bor yoki yo‘qligini bilmaymiz. Shuning uchun hozir muzokaralar strategiyasi tanlandi”, — deya ma’lum qilgan vazir o‘rinbosari.

Erkak 3-avgust kuni taxminan soat 12:00 da bank bo‘limiga kirgan va uning sumkasida bomba borligini aytgan. U bankning barcha ishchilarini qo‘yib yuborgan, bo‘lim bo‘shlig‘i o‘z xohishi bilan u yerda qolgan.

Politsiya hududni o‘rab olgan va erkak bilan muzokaralar olib borilgan. U televideniye orqali chiqish qilishni talab qilgan.

Shundan so‘ng, bank binosiga ZIK, “Nash” va “112” telekanallari muxbirlari kirgan. Erkak ulardan o‘zining efirda ekanligini tekshirish uchun telefon so‘ragan.

Foto: “Korrespondent.net”

Foto: “Korrespondent.net”

Jurnalistlar bilan bo‘lib o‘tgan qisqa suhbatdan keyin erkak bank binosidan chiqqan va Ukraina xavfsizlik xizmatining maxsus bo‘linmasi tomonidan qo‘lga olingan.

Izoh
Asosiy yangiliklar
Dunyo
Shimoliy Koreya “josus” sun’iy yo‘ldoshini uchirish sanasini e’lon qildi
Mahalliy
Xalq demokratik partiyasi O‘zbekiston prezidentligiga nomzod va uning dasturini tasdiqladi
Maslahatlar
Raqamli detoks: gadjetlar ta’sirini kamaytirishga yordam beradigan 7 ta maslahat