Polshaning Onet Sport nashri “Real” 2013-yilda Robert Levandovskiga taklif qilgan shartnoma tafsilotlarini e’lon qildi.
U vaqtda “Borussiya Dortmund”da faoliyat yuritayotgan hujumchi “Bavariya” bilan og‘zaki kelishuvga ega bo‘lgan.
“Real” bosh direktori Xose Anxel Sanches va prezident ofisi rahbari Manuel Redondo tomonidan taqdim etilgan shartnoma 6 yilga mo‘ljallangan: 2014-yilning iyulidan 2020-yilning iyuniga qadar.
Levandovski shartnomaga rozi bo‘lganda soliqlar bilan hisoblaganda 10,9 million yevroga ega bo‘lardi. Bu miqdorning 1,9 millioni polshalik futbolchiga darhol berilishi, shuningdek, shartnomaning har bir yiliga 1,5 million yevro to‘lanishi ko‘rsatilgan.
Levandovskiga soliqlar bilan hisoblaganda yillik 8,6 million yevro maosh taklif etilgan.
Shuningdek, shartnomada o‘yinchi uchun bir qator cheklovlar sanab o‘tilgan: mototsiklda yurish, motorli qayiq suzish, chang‘i uchish, parashyutdan sakrash va cho‘qqiga chiqish bilan shug‘ullanish taqiqlangan.
Robert Levandovskining “Bavariya” safidagi top-30 ta golini tomosha qiling (video)
Eslatib o‘tamiz, Levandovski 2014-yilning yozida dortmundliklar safidan erkin agent sifatida “Bavariya”ga ko‘chib o‘tadi. 31 yoshli hujumchi hozirgacha myunxenliklar klubida to‘p suradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)