“Latsio” hujumchisi Chiro Immobile “Oltin butsa”ni qo‘lga kiritganidan keyin o‘z fikrlari bilan o‘rtoqlashdi.
“Juda xursandman. Men erishgan narsalarimdan faxrlanaman, ayniqsa orqaga qarab, qayerdan boshlaganimni va nimalarni boshdan kechirganimni o‘ylasam. Agar nimagadir astoydil ishonsangiz, ba’zida orzular ro‘yobga chiqadi.
Murabbiyga, klub xodimlariga va jamoadoshlarimga rahmat aytmoqchiman. Ushbu rekord butun jamoaning yutug‘idir. Jamoa muxlislariga rahmat. Men bundan juda g‘ururlanaman.
Agar taslim bo‘lmasa, har qanday maqsadga erishish mumkinligiga misol bo‘lishni istayman. Men ushbu sport tarixida o‘z o‘rnimni egallaganimdan juda g‘ururlanaman.
“Verona”ga qarshi o‘yindagi het-trikdan keyin kiyinish xonasida jamoadoshlarim meni qanday kutib olishganini eslab, o‘zgacha tuyg‘ularni his qilyapman. Sportning mohiyati ham shunda deb o‘ylayman”, —deydi Immobile.
Italiyalik futbolchi A Seriya 2019/20-yilgi mavsumida 36 ta gol urdi va faoliyatidagi ilk “Oltin butsa”ga ega chiqdi.
“Oltin butsa”ning 2019/20-yilgi mavsumdagi sovriniga da’vogar bo‘lgan futbolchilar:
- Chiro Immobile (“Latsio”, Italiya) — 36 gol, 72 ochko
- Robert Levandovski (“Bavariya”) — 34 gol, 68 ochko
- Krishtianu Ronaldu (“Yuventus”, Italiya) — 31 gol, 62 ochko
- Timo Verner (“Leypsig”, Germaniya / “Chelsi”, Angliya) — 28 gol, 56 ochko
- Erling Holand (“Borussiya D”, Germaniya) — 29 gol, 50 ochko
- Lionel Messi (“Barselona”, Ispaniya) — 25 gol, 50 ochko
- Romelu Lukaku (“Inter”, Italiya) — 23 gol, 46 ochko
- Jeymi Vardi (“Lester”, Angliya) — 23 gol, 46 ochko.
Mavzuga doir:
Izoh (0)