“Everton” hujumchisi Moyze Kin “Yuventus”dagi sobiq jamoadoshi Krishtianu Ronaldu haqida fikr bildirdi.
“Men birga o‘ynagan eng yaxshi o‘yinchi? Krishtianu Ronaldu. U aqlbovar qilmas o‘yinchi ekanligini hamma biladi. U eng zo‘ri. Ammo uning insoniy fazilatlariga ham e’tibor qaratish kerak. Ronaldu judayam yaxshi inson. “Yuventus”da o‘ynagan vaqtimda u menga ko‘p yordam bergan.
Men qarshi o‘ynagan eng yaxshi o‘yinchimi? Ikki nafar futbolchi ajralib turadi. Neymar va Anxel di Mariya. “Yuventus” — PSJ uchrashuvida ularga qarshi o‘ynaganman. Ikkalasi ham fantastik darajadagi futbolchilar”, — deydi Moyze Kin.
Ma’lumot uchun, 20 yoshli hujumchi “Torino” va “Yuventus” akademiyasi tarbiyalanuvchisi hisoblanadi. 2019-yildan beri “Everton” sharafini himoya qilib keladi. Angliya chempionatining 2019/20-yilgi mavsumida u 29 ta o‘yinda maydonga tushib, ikkitadan gol va golli uzatmaga mualliflik qildi.
Mavzuga doir:
Izoh (0)