Transfermarkt portali mavsum yakunlariga ko‘ra Rossiya chempionati futbolchilarining yangilangan narxlarini e’lon qildi.
Nemis sayti transfer narxida eng katta o‘sish bo‘lgan futbolchilar reytingini tuzdi. Unda SSKA hujumkor yarim himoyachisi Nikolo Vlashich yetakchilik qilmoqda. Xorvatiyalik futbolchining narxi avvalgisidan 4,5 million yevroga o‘sgan. Bu RPL uchun rekord darajadagi o‘sish hisoblanadi.
Kuchli uchlikdan “Lokomotiv” yarim himoyachisi Aleksey Miranchuk va “Zenit” forvardi Sardor Azmun (ikkisi 3,5 million yevrodan) o‘rin olgan.
“Rostov” safida harakat qiluvchi o‘zbekistonlik hujumchi Eldor Shomurodovning narxi 1,3 million yevroga o‘sgan. Ayni damda Eldorning transfer narxi 6,5 million yevroga baholanmoqda.
Eldor Shomurodovning “Rostov”dagi top-16 golini tomosha qiling (video)
- Nikola Vlashich (SSKA) — +4,5 million yevro o‘sish, (umumiy narx 22 million yevro)
- Aleksey Miranchuk (“Lokomotiv”) — +3,5 (18 mln)
- Sardor Azmun (“Zenit”) — +3,5 (18 mln)
- Matias Normann (“Rostov”) — +2,7 (7,5 mln)
- Xvicha Kvaratsxeliya (“Rubin”) — +2,2 (4,5 mln)
- Dmitriy Barinov (“Lokomotiv”) — +2 (12 mln)
- Vanderson (“Krasnodar”) — +2 (11 mln)
- Daniil Fomin (“Ufa”) — +1,5 (3,5 mln)
- Eldor Shomurodov (“Rostov”) — +1,3 (6,5 mln)
- Jordan Larsson (“Spartak”) — +1,2 (4 mln)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)