O‘zbekiston terma jamoasi avgustda Toshkentda yig‘in o‘tkazadi. Abramov yig‘inga Golban va koronavirusga chalingan Qobilovni ham chaqirdi

Futbol bo‘yicha O‘zbekiston milliy terma jamoasi 3-avgustdan 10-avgustga qadar Toshkentdagi “Bunyodkor” stadionida o‘quv-mashg‘ulot yig‘ini o‘tkazadi. Bu haqda O‘zbekiston futbol assosiatsiyasi (O‘FA) matbuot xizmati xabar bermoqda.

Ta’kidlanishicha, yig‘indan avval terma jamoa to‘liq tibbiy ko‘rikdan o‘tkaziladi. Mamlakatdagi epidemiologik vaziyat inobatga olingan holda, mashg‘ulotlar yopiq tarzda o‘tkaziladi. Qayd etish joiz, yig‘inga ilk bor Igor Golban ham chaqirilgan. Avvalroq “Navbahor” himoyachisining O‘zbekiston fuqaroligini olgani haqida xabar berilgandi. Shuningdek, koronavirusga chalingani aytilgan “Bunyodkor” himoyachisi Islom Qobilov ham yig‘inga chaqirilgan.

O‘quv-mashg‘ulot yig‘iniga chaqirilgan futbolchilar:

Darvozabonlar: Eldor Suyunov (“Paxtakor”), Aleksandr Lobanov (“Metallurg”), O‘tkir Yusupov (“Navbahor”), Mashhur Muhammadjonov (“Nasaf”);

Himoyachilar: Yegor Krimes (“Paxtakor”), Farruh Sayfiyev (“Paxtakor”), Sharof Muhitdinov (“Nasaf”), Hojiakbar Alijonov (“Paxtakor”), Sanjar Qodirqulov (“Bunyodkor”), Murod Xolmuhammedov (“Qo‘qon-1912”), Anzur Ismoilov (“Paxtakor”), Igor Golban (“Navbahor”), Islomjon Qobilov (“Bunyodkor”), Xusniddin Aliqulov (“Nasaf”), Dilshod Ahmadaliyev (“Bunyodkor”), Akrom Komilov (“Paxtakor”), Husniddin G‘ofurov (“Surxon”);

Yarim himoyachilar: Jaloliddin Masharipov (“Paxtakor”), Doston Hamdamov (“Paxtakor”), Lutfulla To‘rayev (“Bunyodkor”), Oybek Bozorov (“Nasaf”), Aziz Turg‘unboyev (“Navbahor”), Abror Ismoilov (“Paxtakor”), Nurillo To‘xtasinov (“Bunyodkor”), Sardor Sobirxo‘jayev (“Paxtakor”), Abdulla Abdullayev (“Bunyodkor”), Odil Hamrobekov (“Paxtakor”), Javohir Siddiqov (“Paxtakor”), Islom Kenjaboyev (“Nasaf”);

Hujumchilar: Igor Sergeyev (“Paxtakor”), Bobur Abduxoliqov (“Nasaf”), Shahzod Ubaydullayev (“Metallurg”).

Eslatib o‘tamiz, oktabr oyidagi FIFA kunlaridan boshlab JCh—2022 musobaqasining saralash bahslari davom ettiriladi. 8-oktabr kuni 7-tur bahslari bo‘lib o‘tadi va unda O‘zbekiston terma jamoasi dam oladi. 13-oktabrda Vadim Abramov shogirdlari safarda Yaman bilan o‘ynaydi.