Tesla va SpaceX asoschisi Ilon Mask Gollivud aktyori Jonni Deppni jangga chorladi.
“Agar Jonni to‘r (oktagon) ichida jang qilishni istasa, menga bu haqida xabar bering”, — deydi Mask.
Konor Makregorning murabbiyi Jon Kavana esa bunga javoban Ilon Maskka shunday dedi: “Ilon, agar senga murabbiy kerak bo‘lsa, bu haqda menga ayt”.
Avvalroq Jonni Depp sobiq rafiqasi Ember Herd va Ilon Mask o‘rtasidagi ishqiy munosabatlardan keyin tadbirkorga tahdidlar qilgani haqida xabarlar tarqalgandi.
Ma’lumot uchun, iyul oyi hisoblariga ko‘ra, Ilon Maskning boyligi 74,2 milliard dollarga baholangan.
Jonni Depp esa kino ixlosmandlariga “Qarib dengizi qaroqchilari”dagi Jek Chittak obrazi orqali yaxshi tanish. Shuningdek, unga “Charli va shokolad fabrikasi” hamda “Sayyoh” filmlari ham katta shuhrat olib kelgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)