“Manchester Yunayted”ning asosiy transfer maqsadlari ma’lum bo‘ldi

“Manchester Yunayted” mavsumlar oralig‘ida tarkibda katta o‘zgarishlarni amalga oshirishni rejalashtirmoqda.

Goal xabariga ko‘ra, “qizil iblislar” ro‘yxatidan sakkiz nafar futbolchi joy olgan. Bular:

Himoyachilar: Kalidu Kulibali (“Napoli”), Tayron Mings (“Aston Villa”), Natan Ake (“Bornmut”);

Yarim himoyachilar: Donni van de Bek (“Ayaks”), Jek Grilish (“Aston Villa”), Jeydon Sancho (“Borussiya D”);

Hujumchilar: Mussa Dembele (“Lion”), Harri Keyn (“Tottenhem”).

Bekhemdan Ronaldugacha. “Manchester Yunayted” futbolchilarining jarima zarbasidan urgan top-10 goli (video)

Shuningdek, 2019/2020-yilgi mavsum yakunida 6 nafar o‘yinchi “Manchester Yunayted”ni tark etishi mumkin. Bular yarim himoyachi Jessi Lingard va Andreas Pereyra, himoyachilar Fil Jons, Kris Smolling, Markos Roxo hamda hujumchi Aleksis Sanches.

Avvalroq “Borussiya D” Sanchoni 98 million yevroga sotishga rozi bo‘lmagani to‘g‘risida xabarlar tarqalgandi.

Ma’lumot uchun, Manchester klubi Premyer Liganing 2019/20-yilgi mavsumini 3-o‘rinda yakunlab, Chempionlar Ligasi guruh bosqichi yo‘llanmasini qo‘lga kiritdi.