Футбол бўйича Ўзбекистон миллий терма жамоаси 3 августдан 10 августга қадар Тошкентдаги «Бунёдкор» стадионида ўқув-машғулот йиғини ўтказади. Бу ҳақда Ўзбекистон футбол ассосиацияси (ЎФА) матбуот хизмати хабар бермоқда.
Таъкидланишича, йиғиндан аввал терма жамоа тўлиқ тиббий кўрикдан ўтказилади. Мамлакатдаги эпидемиологик вазият инобатга олинган ҳолда, машғулотлар ёпиқ тарзда ўтказилади. Қайд этиш жоиз, йиғинга илк бор Игор Голбан ҳам чақирилган. Аввалроқ «Навбаҳор» ҳимоячисининг Ўзбекистон фуқаролигини олгани ҳақида хабар берилганди. Шунингдек, коронавирусга чалингани айтилган «Бунёдкор» ҳимоячиси Ислом Қобилов ҳам йиғинга чақирилган.
Ўқув-машғулот йиғинига чақирилган футболчилар:
Дарвозабонлар: Элдор Суюнов («Пахтакор»), Александр Лобанов («Металлург»), Ўткир Юсупов («Навбаҳор»), Машҳур Муҳаммаджонов («Насаф»);
Ҳимоячилар: Егор Кримес («Пахтакор»), Фарруҳ Сайфиев («Пахтакор»), Шароф Муҳитдинов («Насаф»), Ҳожиакбар Алижонов («Пахтакор»), Санжар Қодирқулов («Бунёдкор»), Мурод Холмуҳаммедов («Қўқон-1912»), Анзур Исмоилов («Пахтакор»), Игор Голбан («Навбаҳор»), Исломжон Қобилов («Бунёдкор»), Хусниддин Алиқулов («Насаф»), Дилшод Аҳмадалиев («Бунёдкор»), Акром Комилов («Пахтакор»), Ҳусниддин Ғофуров («Сурхон»);
Ярим ҳимоячилар: Жалолиддин Машарипов («Пахтакор»), Достон Ҳамдамов («Пахтакор»), Лутфулла Тўраев («Бунёдкор»), Ойбек Бозоров («Насаф»), Азиз Турғунбоев («Навбаҳор»), Аброр Исмоилов («Пахтакор»), Нурилло Тўхтасинов («Бунёдкор»), Сардор Собирхўжаев («Пахтакор»), Абдулла Абдуллаев («Бунёдкор»), Одил Ҳамробеков («Пахтакор»), Жавоҳир Сиддиқов («Пахтакор»), Ислом Кенжабоев («Насаф»);
Ҳужумчилар: Игор Сергеев («Пахтакор»), Бобур Абдухолиқов («Насаф»), Шаҳзод Убайдуллаев («Металлург»).
Эслатиб ўтамиз, октябрь ойидаги ФИФА кунларидан бошлаб ЖЧ—2022 мусобақасининг саралаш баҳслари давом эттирилади. 8 октябрь куни 7-тур баҳслари бўлиб ўтади ва унда Ўзбекистон терма жамоаси дам олади. 13 октябрда Вадим Абрамов шогирдлари сафарда Яман билан ўйнайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)